mande (doli) i mikula (gori)
sony je vridno slika svetu mandu, a ja san se popela na zid vizavi skule marjan da peškan ti litrat. sta je u aparatu jušto 2 i po miseca jerbo u rvackoj
svako može činit šta je koga volja i nikome ne odgovarat za svoje postupke. nije se puno prominilo od mračnih vrimena diktature, mrak je i sad.
dobro, ajmo dalje. za dišpet! kontra mraku, kontra sili.
crikvica se prvi put spominje 1412. zanimljiva je jerbo su na nju znali obisit prvi zrli grozd. to je bija znak da nova berba nosi novo grozje i da se more popit ono ča je ostalo po varoškim konobama. fešta i veselje bi počeli, proširili se po cilom varošu i durali cilu noć.
sad ću crkvicu označit na karti.
nije jedina koja se veže za iće i piće. kraj svetog mikule na stagnji su se nekad dilili makaruni na svetoga nikolu. dilila ih je bratovština, ali toga običaja (užance) nažalost više nima. virujen da bi i domaći i furešti bili oduševljeni ako se makaruni opet uvedu. eto, ako me neko čuje, možda da šapne negdi di se odlučje...jerbo, ja tamo sigurno neću poč.
Nema komentara:
Objavi komentar