*****

kamene kućice u varošu su od starih splićana za munitu kupili vlaji. starim splićanima je i munita značila za odškolovat dicu koja poslin nisu imala di u splitu radit i otišli su u svit. vlaška dica su imala strikana i zaposlila se i bez škole. čast iznimkama. sad su vlaji zaključili da moredu zaradit na toj kućici u velon varošu i sve je postalo apartman, pa čak i nekadašnje kućice za tovara oli štale. vlaji su otišli na selo i sad tamo guštaju u lipoti zavičaja. split im ionako nije puno značija, bija je to grad u koji su se došli da prostite popišat, posrat i zgrabit šta se zgrabit da. čast časnim iznimkama. i tako, splićana je u veli varoš ostalo malo, vlaja isto, splićani su u amerike, vlaji u njemačkoj oli na selo, a na najlipšem dilu svita sad žive neki drugi ljudi. budu oni tu misecima, danas je pravi pravcati azijat kupova spizu za maške, a vidilo se da zna di šta u tu butigu stoji i da nije prvi put u njoj. e moj narode, jesi li sad sritan? sve manje dice moš vidit da trči marjanskim skalama, na ježinac oli na bačvice se sve manje skače u more, ovo je postala zemlja nekih drugih ljudi. ingleški govorin najčešće na ulici, hrvatski bar doma i na poslu, staru spli'sku rič svićon tražin. ne smeta mi niko, ko se kulturno ponaša dobrodoša je. migracije ljudi su se uvik događale, svatko ima prav poč di misli da će mu bit bolje. u hrvatskoj je puno zla učinija baš taj strikan stipe, mate oli jure ča je zapošljava priko veze, a bez skule. teško će se to ikad ispravit, a osin šta čujen samu sebe da galamin na veze, mito i korupciju, drugi mi se pare da čine kuco. i tu čast časnim iznimkama. ekola. jemamo ča smo tili, u varošu je mir ka u crikvi, slabo se više čuju smij i suze. ostale su samo one starega splita.