moj prvomajski miks

moj prvomajski miks

nisan išla u demonštracijun s trumbetom jerbo od toga ništa,
triba djelovat na izborima.

procvita mi je garful na balkonu, turski, pa ga od milja zoven turčin.

učinili smo rižot od pedoči jerbo je meni već prikovišje vruće za paštafažol.
http://nada4.wix.com/ricete#!about2/cksv

kavu nikad ne pijen po kafićima jerbo za to niman ni vrimena ni pinezi,
pa san i ovu prvomajsku posrkala doma.

povirila san malo do mora, uvatila bokun sunca i smočila papke.
još je ledeno za plivanje, ali već za koji dan će se moč i plivat.
jupi, jedva čekan.

đelato san slistila doma, iz škatule, za manje para dobiješ više vengo vanka na kuglice. ako vanka ikad izin kuglicu ovo lito bit će to u pašticeriju kirigin, e... tamo je najbolji, a najjeftiniji đelato.

oprala san robu i sad ću opiturat kosu.
poslin pustih godin za ovi prvi maja nisan radila.

kraj je školske godine, ali nikome danas nije tribalo učit jerbo se malo traži i malo pita, a nije se bogzna šta ni istumačilo po skulama.

mene ne čudi ča su užgali skulu u rijeci, bojin se da ne bude toga još.
no dobro, neka i malo odmora, triba i to dikad.

sutra radin.
moj posal, oni od nepoštene inteligencije.
to van je ona ča misli i ne prodaje se za šaku judinih škuda.
neka meni moga nepoštenja, nemorala i nepameti,
drugima prepuštam moralni, pametni i pošteni lopovluk, falšete, ubojstva i razbojstva.

guštajte u ostatku dana.