ka ča znate uza teču oli teću kako već di reču, potribno je jemat i žlicu, manju, veću. rižot se mora dobro promišat, a i druga spiza. zaradi tega mi ovod u split ka je sveti duje jemamo ka niku obavezu o' davnina kupit žlicu. jerbo, tako je činila naša mater i baba. i onda najprvo š njon mišaš u teči, a poslin ti dobro dođe za promišat robu kad je greš skuvat jerbo te toka čekat meštra ka se pokvari makinja. jema još mogućnosti za duperat staru žlicu. triba i pituru promišat, e... a ka smo bili dica, znali smo nacrtat na jednu joči, nos i brke, a na drugu isto samo brez brka da bude ženska, stavit na njih malo stare robe, nalipit štagod vune umisto kose i eto pupe za predstavu. bilo je manje pinezi, više sriće.
Nema komentara:
Objavi komentar