video by xvii - o prije nikoliko godin, snimljeno u splitu, kraj sv.duje
e...
danas je sveta luce, santa lucia.
zaštitnica vida i svitlosti.
splićani i boduli je puno vole.
jedanput na godinu u splitu se otvara kripta o' ispod katedrale svetoga duje ča je narafski najstarija katedrala na svitu. to otvaranje se čini jušto na svetu lucu. jema tu vode za koju se viruje da je čudotvorna. svit moli za vid i svitlost, pali šterike.
dici ariva još koji darić. užanca je i zasadit šenicu, da naredna godina bude plodna.
sićanja mi kažu da su štorije moga pokojnoga dide i pokojne bake govorile da nije nekad, u staremu splitu, bilo ka danas. danas dica dobiju dar o' svetoga nikole, pa o' svete luce, pa maloga isusa, na kraju i o' dida mraza. nekad si bija sritan i su dvi naranče i kojin orijon, a svi sveci i ostali proizvodi mračnih i svitlih socijalističkih i kapitalističkih vrimena nisu bili toliko bogati ka danas.bija si sritan ako bi te se barenko koji sitija - govorija je moj dida.
moji su se stari iz svoga ditinjstva tako višje spominjali svete luce vengo svetoga nikole.
manje je onda bilo darova, višje sriće i jubavi.
ka smo već kod darova, vazmite dici koju slikovnicu, libar. to će učinit boljeg čovika o' njih. skupe pupe, tonobili, rašpe, bombe, rivolveri, iphone, nike patike od 1500,00 kn i slično kvare čovika. virujte mi, znan, e...
lucama i lucijanima, lucijama sritan imendan želin!
gre, santa lucia, guštajte!
Nema komentara:
Objavi komentar