šta radin kad ne radin :)

da se odma razumimo, na ovi put se ne gre brez udobnih patika. ne u šlape, ne u japanke, ne u take. u patike, e... i špigete triba dobro vezat.

a di san peškala ove dvi slije, a? e, najprvo san arivala do merjana. na spinut, e... onda nisan išla ceston di je milijun svita, vengo san se odlučila za jednu bolju varijantu. odma uza vrata na spinutu su jedne male skale. popet se uza njih i hrabro naprid. ko će, a? ma to su samo skale, idemo...

kad prođete skalasti put na vrju vas čeka vatrogasni put oli put za pompjere. protupožarni put. kako god očete, e... to je zapravo procjep kroz šumu koji je učinjen da u slučaju potribe mogu proč pompjeri i da se vatra tu nađe pred preprekom od arije i da joj ne bude lako dalje, e...

ti put izgleda ovako:

i hodajući njime hrabro naprid morete doč do asfaltirane ceste koja vodi za institut, a morete i nastavit trim- stazom, pa jopet stič do instituta. 

 sveti jure - obavezno vidi od kada dura ova crkvica. tj. upri na link.

 špina poviše instituta

 pogled na plažu kašuni

uvik ste se pitali kako izgleda marjan express, a? evo ga, nije to ona prava ferata ča vozi priko šina, ustvari je, ali ajmo reč da ovo zapravo pravi marjan express je, e...

 još malo kašuna, još koji dan i malo ćemo tamo... :)

meštovićev kaštilac i masline - uprite na link i u gornjen livon kantunu možete vidit dil onoga ča je unutra. meštrović je to radija cili svoj život. i darova svom (nezahvalnom) hrvatskom narodu. 

ježinac i dvi vale o' kašteleta. 

ježinac - kod asa kupa. vengo, VIDITE KOJEGA KARIKA JEMAN, A? živin u splitu, e... i upravo me čeka mriža za plivanje, ovo je ona ča kreće od zvončaca i koju isplivan skoro svaki dan, a ako nisan tu, onda jema i ona na kašteletu.

 za dugo plivanje potribne su i očale za plivanje. iz mojih zaliha tega rekvizita danas su do  mora došle ove. :)

u more san ušla tu. ovod je ludilo, skale, jema sunca, jema lada, jema tuš, jema mriža za plivanje. nije ni čudo šta je baš tu ovo lito arivala cila eu. kako lito grabi prema jeseni, sve je manje konfužjuna, pa sad možeš guštat samo tako.

poslin dugog plivanja red sunčanja. 

i onda je red da se pođe doma. na noge, narafski. i na peti pod bez lifta, narafski.