e...
digod je lin ka krava, ništa mu se ne da. koji e-mail oli sms će još i poslat, starinsku kartolinu nikako. a cviće, a? ajme meni, gospe moja, ne daj bože da ga ko vidi da nosi cviće po ulici, e... a šta će svit reč, a? kad triba štagod konkretno radit, tot ćeš ga još i vidit. konkretno oče reč: lovit ribu, gledat utakmicu, čitat foje,jedan put u deset godin eventualno nalit teracu, jedan put u par godin štagod opiturat. tot će još i bit vridan, e... znat će se i zavrtit oko gradela, okrićat će meso oli ribu i mavat bokunon kartuna, ali sa drugin stvarima ga ne zamaraj, e...
dikad je tvrdoglav ka tovar, oče sve po svome pa oče. izmišlja razloge za karačinu i škandale. muva se po tinelu i kužini simo-tamo, utiraje nos di triba i ne triba jerbo se karat baš oče. kad je u takvoj fazi, ne moš ništa, e... moš samo čekat da kalma i to je to, e... no, kad triba znat ama baš sve o političkin partijama, prešidentima, ajduku, spli'skin facama te jemat ideje o dobrim i unosnim poslovima i sve to objasnit kumpanjima za šankom nekog o' spli'skih kafića, e onda, onda je ton obično puno drugačiji, pa ako se mišljenja i razilaze, ne forsira se deračina tuta-forca, vengo se ipak nastoji govorit ka čovik. zanimljivo, e...
triba li još štagod reč, a? pripoznajete li ga? o kome ja to? ajde gren van pomoć još malo... ko bi prije puka ka cvrčak, vengo prizna da mu je stalo, a jubija i ćutija cilin svojin srcen, a? jeste li ga sad poznali, a? ajde štufalo me više balit, e... odgovor je: lipi, šesni i pametni dalmatinac naš tipični, e... svaki isti a i jopet svaki drugačiji, e...
-----------------------
by xvii , 19/05/2005
ovi tekst je bija na internetu i kako san već nikidan rekla prvi dil bloga o' xvii ča je bija kod našega blog servisa je nesta jerbo je taj blog servis nesta. blog servis na kojen sad pišen drži google, za njega ipak ne virujen da će propast, a čitatelji su tražili da ovo ponovin, pa im ugađan. nastavit će se, ima još, e...
Nema komentara:
Objavi komentar