plodovi dalmacije 2012

e... u dioklecijanove podrume jema nešto puno dobro - šesti po redu plodovi dalmacije, narafski i ovi put u organizaciji poduzetničkoga centra cepos. šta se tot more nač, a? uajme, puno lipih stvari, ali ne onih koje se ne smi pokazat, vengo koje se baš triba pokazat.

jako ugodno mi je bilo proćakulat sa šjorom meri srdelić koja čini puno lipe stvari koje su za figuru, ali i od koristi. na njen štand morete nač ukrašene škatulice, posudice, bočice i sl. prvi put izlaže na sajmu i ča se mene tiče to je bija jedan od najboljih štandova.
povirite i tu:  www.sentimenti.info.

moran se pofalit da san dobila i puno lipi dar od šjore meri. šta, a? ukrašen važ, i to brodon, a kako znate, ja puno volin brodove :) u njega moren stivat lapiše, ali mislin da bi i puno dobro upasala lavanda, ružmarin i sl.

sad san u velikoj dilemi ča su stivat u važ, ali svakako je sigurno da će zauzest počasno misto u mome uredu jerbo je učinjen baš po mome guštu. fala lipa, baš me obradova... :)

kad nešto kupite i kad okus tega pamtite godinama i tražite ponovo baš isto, onda znači da je proizvod dobar. kozji dimljeni sir, palac gori, delicija nad delicijama. narafski da san ga kupila :).  

tražila san i još nešto, plitvičku štrudlu, u katalogu su ka izlagači, to san također uzimala svake godine, ali kako san potrefila jušto na otvaranje ili ih nisan našla o' konfužjuna ili još nisu arivali u split.  povirit ću ja i opet, možda i buden sriće, e...

ajde da kupimo i štagod dalmatinsko. u dragih bročana san kupila jednu pogačicu o' suvih smokav i bajama i moran vam reč da je više vengo dobra. :)