e... procvita mi je điran na balkonu. baš ga je gušt vidit za 9. godišnjicu magistriranja elektroenergetike oli najjače struje na svitu na spli'ski fesb.
sad će niki reč da su oni ča su finili skule trapavi, kilavi i tako to i da ne znaju ništa svojin rukama učinit jerbo da je cili njihov svit u formulama, e... netočno, ne vridi za sve oli tutokompleto, e...
pitanje dana je šta se bili u mojoj biloj kužini, a? ma kako biloj, a? lipo, biloj ka snjeguljica, e... nikidan san piturala kužinu i trpezariju. zidove i štrop. a ča sa drvon, a? zvat piture? je, oču sve trčen.
sigurno ste kurjoži ča jeman iza vratnica viseće kredence, pa ću van pokazat šta se to bili u mojoj biloj kužini i to s posebnin ponoson jerbo san danas svojin rukama piturala baš tu viseću kredencu, e... još da van rečen da je ovoj kredenci je puno godin, to je o' moga pokojnoga dide i babe, jema priko 40 godin, a pari nova :)
a sudoper, a? sređen je i on, njega san iznutra učinila u sivo jerbo sudoper je sudoper. znan da ste kurjoži pa ću svakako otvorit i jedan stari škafetin koji mi je isto o' pokojnoga dide. ča tot jema, a? njega san isto učinila iznutra u sivo jerbo je malo osjetljiviji, škafetin je to. kredencu i škafetin san prekrila bilon karton, najobičnijon, da se pazi i čuva jerbo još to sve more durat.
jemate drvenih brodi na otoku moga ćaće, murteru, koji lipo piturani navigaju i po priko sto godin, pa ča ne bi meni kredenca i škafetin durali još, a?
a šta je u škafetinu, a? dalmatinska kuhinja, dika marjanović radica, libar iz 1967. vridi cilo bogatstvo, također ostalo u naslidstvo od moga pokojnoga dide koji je kuva samo tako i teško će se rodit neko ko će ga nadmašit.
ekola, gren ča, povirite i jopet, pa ćete vidit i kako san ušestala zidni armerun, godišće 1970. jemate pozdrav, zdravi i veseli bili!
Nema komentara:
Objavi komentar