*****

o malin radostima ča život znače oli jutros mi je potrefilo da san imala malo vrimena. uputila san se put mora. usput san u kirigina kupila danca jušto iz peći, nahranila gladno tilo (iako, budimo pošteni, ovo je i za dušu). protegnila noge do zvončaca, nahranila jednu gladnu macu. disala more i tišinu, nahranila dušu. sad su mi baterijice pune, pa ću lipo radit cilo popodne. ono, dok je vanka konfužjun. e, ovo se zove organizacija, morat ću češće ovako :D za puno kurjože: već san se ove godine kupala u moru i to jedno sedan osan puti, ali san malo fermala kad je zafriškalo. i to ćemo narafski opet uvest.

ps kupila san sjeme i posadila i petrsimul :D