e... bila san jutros do lava, povirit ča je učinija naš čovik. tamo je sajam dani hrvatske male brodogradnje. a ča jema, a? puno lipih brodića od kojih neki više i nisu brodići, vengo prave jahte.
bez daha svakako ostavlja pantagana na koju san se i popela i temeljito je razgledala. učinila san slike unutra, a i sa prove. brod je dobija i nagradu i duboko virujen da će jemat dosta kupaca, za izvoz svakako. bilo mi je drago popričat sa sviton koji su taj brod učinili svojin rukama. svaka čast, palac gori. :)
ove godine je viđena i podmornica. ako je to ona ista ča san je gledala na tv, a mislin da je, onda joj je dno prozirno i bit će svakako dobra za turistička razgledavanja. naše podmorje je nešto prekrasno, jemamo tu šta pokazat, e...
nekako ne bi ja bila ja da se i ovod ne sitin brodića betina 700, toga isto morete nač na slikama, bija je i na croatia boat show i baš mi se svidija. povirite sve slije, jema jako lipih borodova, a ni cijene nisu bile u nebo. unatoč svin mukama i trapulama ča ih ova zemlja čini brodogradnji, hrvatski brod se i dalje radi i gre naprid. mirno im bilo more, gradili se još pun godin!
sve mirne slije koje san učinila pogledajte ovod: http://www.flickr.com/photos/xvii_st3/sets/72157629559624354/ - uvećati klikom!
Nema komentara:
Objavi komentar