e... život je krajnje nepredvidiv. čupav isto.
dikad rečen da je život ka ja, nepredvidiv i čupav.
jutros san se digla iz postelje čupava ka i svako jutro. gledan se u ono zrcalo, gospe moja, ma prečupava san,
rice lete na sve strane. prirodne, narafski.
nima druge vengo poč u frizera. neka to malo sredi, razrijedi i tako to.
i stvarno san misla samo to...
a di ja gren u frizera, a? godinama na isto misto, u klaudije, a ona van je vizavi realke, odnosno skule di su danas dvi skule, one ča se zovu po dva velika pisnika, nazor i marulić.
dica iz marulića su pozapodne u skuli, a ona iz nazora jutros. barenko je tako ovu šetimanu. ako san ih dobro razumila, narafski, a učin i one iz jedne i one iz druge skule.
onda ovu šetimanu triba ujutro reč vizavi nazora, a pozapodne vizavi marulića. :D
kad ste našli skulu marulić-nazor, vrj pazara, onda se uputite u radunicu, priko skala. i čin prođete skale, tot van je frizerski salon claudy (rokova 4), a vlasnica izgleda svaki put kad je vidin drugovačije jerbo je frizerka, pa minja frizure.
a danas je čvrsto odlučila prominit i mene.
bila je uporna, isprva san se nećkala, hm, ko zna kako će to meni stat, ono, oču, neću, ali ajde da ne mudrujemo prikovišje iden ča probat, pa kud puklo da puklo.
ako mi ne bude stalo to lišo, smočit ćemo je i jopet ću bit ricasta.
a je li me izlišala, a? e, jema u klaudije odličan šumpreš za kosu (pegla za kosu) koji piza nikoliko iljada kuna i s takvin se narafski i moja griva pritvorila u čisto lišo. u nikih dvadeset minuti.
poza tega smo se slikale. nego šta, pa ovo je povijesna snimka, ja prvi put liša. fala klaudija, danas si me baš dobro oraspoložila. ;)
klik za uvećat slije..
Nema komentara:
Objavi komentar