telegrin - vrh marjana -jutros - klik za većee... zadnje dvi slije su by ja, a mene je slikala, otkrit ćemo, moja dobra mater. ona jema skoro 64 godine i svako malo prođe cili merjan sa menon. mlaji pušu i grintaju, sve im je teško. ne da mi se baš uvik poč solo, a moja mater more potegnit ča se tiče hodanja i onda pođemo skupa. merjan je jedna od mojih jubavi, tot san i po kiši i po suncu. jučer recimo nije bilo pasa, kroza cili merjan san trefila tri sportaša, sebe i to je bilo sve. danas dan ka za bogove, sunce miluje, mazi, divota. jeman još dobrih slija od danas, ali me sad toka radit, a kad posal fini stivat ću i njih pa povirite i jopet. a ruta? svaki dan pođen na drugo misto, kako mi dođe. evo danas smo nas dvi učinile: vrata spinut - bene- vatrogasni put - kaštelanska vidilica - vrh telegrin- makadam s južne bande - prva vidilica. tonobil smo ostavile isprid kuće jerbo je bog da čoviku noge najprvo da s njima hoda, a tek poza tega da vozi. i narafski da nismo nigdi stale. :D
Nema komentara:
Objavi komentar