kašuni

e... danas je prvi dan jeseni a to oče reč da je počeja najlipši dil lita. poza ne znan koliko miseci san se vratila s kupanjen na kašune i guštala. bilo mi je bolje vengo šeiku. tri puta u more. more teplo, arija jušto po miri čovika, konfužjuna nešto manje. ko ovo more platit, a?

fala ča pitate, rame me više ne boli. izličija me najbolji likar, moj kumpanjo, more. i nije mi tražija ni zdravstveno, a ni dopunsko. ne pita kontra usluge, ne traži mito, ma najbolji, e...