ruska zima

zima, a?

prvo ča mi padne na pamet kad čujen tu rič je rusija.

onda mi padnu na pamet cukuni

ka ča su karlo XII. , napoleon i hitler.

ke imbečile, a?

tili su čapat tuđe.

zgrabit.

na početku ih je išlo dobro,

ali sva trojica su se navukli na istu baketinu.

ušli su duboko u rusiju.

preduboko.

e a onda je počela zima.

ruska zima.

oštra, grozna.

smrzla in se gujica.

nos.

uši.

ruke.

noge.

i tičji mozak.

Historia magistra vitae est - kaže stara latinska [oli povijest je učiteljica života].

njima nije bila jerbo su bili tukci.

ništa iz povijesti naučili nisu.

i narafski, rusima je bilo lako.

pustili su ih i previše blizu, namjerno,

sa svrhom i razlogom,

a onda sredili idiote malin prstom.

i ja volin dušmanina puštit da misli da je dobija štagod.

znan čekat.

znan čekat i puno godin.

nigdi mi nije priša.
svoj san na svome.
živin u svojoj državi, svome gradu, svome stanu.
radin u svojoj firmi.
(toka me radit još 26 godin i nešto miseci, pa jeman vrimena)
čekan i smijen se.
nikad se ne umorin oko lupeža prikovišje.
vrime i nevrime ionako sve riješi,
mene onda toka samo malin prston
pokupit mrižu kad za to dođe momenat;
kad se sam u nju zakoprca.


e a ča bi nepotribno rasipala energiju
kad oni ča je preduboko uđe u tuđe
ionako uvik nahebe.

baš ka karlo xii, napolen i hitler kad su ujurišali u rusiju.

kako će se napoleona i hitlera svi sitit, a karla je kroza povijest bilo više, ajmo ča u ovemu poučnome tekstu reč i to da je karlo xii. bija švedski kralj kojega je na baketinu ruske zime uvatija petar veliki.

ekola, gren ča, kraj pečice, e...

pozdravljan lipo!