upoznajte i Špira, puno je drag i mio :)

cukrić by xvii

e... da mi je danas dok san mazila malu macu zvanu cukrić ča san je nikidan udomila, neko reka da ću večeras uza cukrić te pahuljicu, flekicu, žuću i ćiću (mućo i tigrić nažalost više nisu sa nama, ali živit će uvik u mom srcu) dobit još jednega mačića ne bi mu rekla da je lud jerbo katkad se jednostavno stvore i tako se i danas stvorija špiro i uša u moje srce i moj dom. uza ove mace jeman još mace u dvorištu koje volin i pomažen te nekoliko dragih maca na nikin mistima u gradu kojima isto daden štagod izist. volite beštijice jerbo one vam za razliku od čovika znaju za jubav dat jubav. kod čovika je jubav ritka pojava, više voli pineze, tonobile, kuće, nekretnine, pokretnine, zlatnine, srebrnine itd.

dakleM, u mojoj kući je i jopet 6 maca. ovih dana ćemo malo ažurirat i mačju stranicu, vidin da bi i to tribalo :)

ajmo ča pomalo leč, spava mi se... e bravo, još da vam predstavin špira... jemat će jedno 2 miseca, možda koji dan više. muškić je, dugodlak, mazan... vrlo mazan. mazan za poludit. malo je još šporak i uplašen, ali već za par dana bit će to super mačić :)

špiro by xvii