e... nekako mi pari da se u ovoj zemlji ne gleda sa gađenjen na nešto tako ružno ča je pobilo milijune judi i ča se zove fašizam. već godinama se moredu po fasadama zgrada vidit svastike i U.
moran se sramit ča san iz antifašističke fameje. zaradi tega me se maltretiralo di god se stiglo.
na veličanje fašizma se grozi cili civiliziran svit, ali u našoj zemlji je nažalost popularno vazest sprej, pa crtat svastike.
a znaju li oni ča to crtaju da bi da je bilo puštit benita mussolinija i antu pavelića da svoje naume sprovedu u dilo, danas u splitu dica u skulama morala učit sve na talijanski i da ne bi bila dopustiva njanci jedna rič rvacka, a? znaju li da bi rvati jemali koprifogo (ograničenje, odnosno zabrana kretanja poza neke ure) i da bi bili sritni ako bi bili i živi, a?
na današnji dan split je oslobođen od fašističkih dušmanina.
fala svim hrabrim judima koji su itali jaja napunjena crnilon u tabele ča su ih po splitu postavili talijani s talijanskim nazivima ulica i svima onima ča su se borili s puškon u ruci za potirat fašiste iz moga grada, našega splita. da njih nije bilo, ne bi ni nas danas bilo.
smrt fašizmu!
Nema komentara:
Objavi komentar