junak br. 2

e... poza junaka br. 1 me tokalo u tolstojevu ulicu gledat ovega junaka, zaparkira se na samon ulazu u dvor i to ukoso, ne more se od njega u dvor, ne more se vanka. svit beštima. nije samo mene iznervira. ma ke, e... šta je najgore zaradi njega sad jeman i štetu na tonobilu jerbo kad san vidila da ću u njega rađe san okrenila volan, pa bokun desnin krajen u zid. jerbo, bolje da se namirin iz kaska, vengo da ga tražin po drugin državama i još ja njemu buden nešto kriva.

kako bi u ovi dvor od ovoga idiota ušla recimo hitna oli pompjeri, a?

poza svega se još i doša sa mnom kontreštavat, a ja zaradi njega jeman štetu. laprda je svašta na tečnom srpskom, a pitaj boga iz koje je zemlje stiga. ovo bg mi nije kjaro, koja je to država, a? zvala san mu pauka i onda je junački uteka ka pantagana. uspila san sinjat da je sidija sa uličarima ča tot uvik loču na zidiću materinu i očevu penziju i nikad ne rade ništa. on s uličarima komodno laprda, tonobil mu na prolazu, a ti nado sad ajde po osiguranjima, servisu i budi brez tonobila neko vrime... shebana su suvozačeva vrata, tribat će ispravljat lim... jutros san vozila, tonobil je ipak u voznom stanju, a ovih dana ću poduzet sve da twingic jopet sliči na lipotana.

narafski, zanimalo bi me i ča će grad i vlast poduzet kontra ovih likova ča po zidićima loču od jutra do mraka a pive vazimlju po malin dućanima. i onih ča im te pive prodaju?! zna se dobro da to nije kafić i da lokanje po zidićima nikako ne more bit lipa slika za turizam, a ni za bilo šta drugo, e...