*****

klik za veće, sve ćete pročitat...

link za informacije ovod: http://www.jklabud.hr/mrdujska-regata

e...

macu san sahranila, ali tot nije kraj jerbo ona će uvik živit u mome srcu, u mojim uspomenama, bit će dil mene. fala svima koji su mi ovih dana napisali poruku oli komentar suosjećanja.

twingića san jutros odvezla na izvid štete, pa poza tega u servis. ljudi su mi obećali da će se sve sredit, ali da ću nešto dana bit brez tonobila, pa molin sve one do kojih bi tim tonobilom tribala stič da se samo malo strpe, eto mene čim buden u mogućnosti.

mislila san poč u šibenik na http://www.adriaticboatshow.com/ , ali stvarno niman force, a sad san i brez tonobila (on će narafski baš u šibenik na popravak), pa ću to nažalost ove godine priskočit, ali ako ste u mogućnosti, svakako pođite, lani je bilo višje vengo dobro.

probat ću poč još koji put na more, ako bude teplo, okupat se. mislin da će mi to pomoć da vratin forcu.

e i probat ću iduću šetimanu slikat start mrduje, kažen probat jerbo ka ča ste vidili ovih nekoliko dana i na mom blogu, nikad ne znaš ča nosi noć, a ča dan.

pričan s ljudima i složili su se sa mnom da bi:

• ako ti je u kući staro i mlado, dica i beštijice, zdravo,
• ako si uspija poplaćat račune i
• ako ti teknika (kompjuter, autić, frižider, špaker, makinja za prat robu itd) bar za normalno fukcioniranje radi,

triba bit sritan. drugo je ionako sve manje bitno. ako višje od tega imaš, dobro imaš. narafski, još bokunić jubavi i to je to, e...