vrtal

e...

jedna neredna žena godinama nije zalivala vrt.
nije tila sama radit u njemu, a nije tila ni platit vrtlara.
kad je vidila da je vrt neredan, pun korova i šporkice,
a vrt u susidstvu lip, zelen i pun ruža
optužila je suside jerbo se nisu sitili zalit njen vrtal.
govorila im je da su oni namjerno njezin vrtal isušili.
optužila je i pošćjera jerbo je prolazija kvarton, a nije ga zalija.
maške, pasi i tice na nebu isto su bile krive.
svi su bili krivi samo ne ona.
pritila je svima čak i sudskin tužbama, advokatima.
činila monade i pinila.
nikako, ali baš nikako nije tila prihvatit odgovornost za vlastiti nered i aljkavost.
i tako ne samo apropo vrtla, vengo apropo svega.

pouka: vrtal će bit jušto onakav koliko smo se oko njega trudili, ni bolji ni lošiji. narafski, neće odma procvitat, ali uz trud, jubav, pacijencu i rad oče. uz nebrigu neće i to je to. život je takav.