e...
nedilja. ča jema veze, a? digla san se rano, čak i ranije vengo radnin danon, i pravac merjan. najprvo šetnja po tek probuđenoj šumi, a poza tega san okrenila tonobil i pravac jedna lipa plaža. brodovi su taman počeli na prišu izlazit iz marine, vidi se da su im dosadili i kiša i kaštila, raširili jidra, uvatili more. od spinuta stiže druga skupina. nije ni njima tempo loš.
bacin se u more, nigdi se niko ne kupa osin mene, a danas je 23.05. more je moje, fantažija, fenomenalo. plivan, a svit s brodova ča žure prema punti čiova gleda u čudu. mislin se i ja je li sanjan ili je ovo stvarno java, a? ma ke, kakav san, stvarnost, e, a šta će drugo bit...
i bila bi i još tot ostala (ne bi mi smetalo sunce, već san sasvin solidno pocrnila) da me pozapodne ne toka radit. nima veze, ja volin radit, to mi opče ni mrsko. na armerun u uredu san upravo zalipila gornju misao, ne volin linčine, u radu je spas, ko radi taj i vridi.
vengo, kad san već kod rada i nerada gren van reč i da ovih dana slavin jerbo san se pozdravila s jednon peršonon, peršonon ča san je odma na prvi balun doživila linon, ali san falila i mislila da moren tot nešto prominit. je, ši, kako da ne, e... linčina more probat floćavat, ali linčina će i dalje uvik bit u duši linčina i oni ča ga /je natira da štagod radi mu je najgori dušmanin. mrzi ga i želi mu da ga đava odnese. ujutro mu se teško i dignit iz postelje, a kamoli šta radit, e.... tokalo me tako duperat čeličnu volju i forcu ka veli jože da tu peršonu pokrenen. jema vozačku, a neće da vozi. jema noge, a neće da hoda. jema i znanja, ali rad joj je smrtni neprijatelj. bilo bi bolje da san odma slušala špurijus, kad on kaže neko pari lin i da to neće bit dobro, viruj špurijusu, znan. no dobro, šta je tu je, naučila san i višje neću falit - kad probaš minjat linčinu, linčina te samo zamrzi, a ti budeš na kraju frustriran. zato takve triba ostavit neka se ukise u svojoj linosti, neka guštaju u njoj, neka im sve sritno bude, ali samo daleko od mene, e... rišila san se jedne takve peršone i sritna san, misecima me nervirala, neće višje, e... ekola, gren ča, rad me zove i guštan ča je tako. jemate pozdrav!
nedilja. ča jema veze, a? digla san se rano, čak i ranije vengo radnin danon, i pravac merjan. najprvo šetnja po tek probuđenoj šumi, a poza tega san okrenila tonobil i pravac jedna lipa plaža. brodovi su taman počeli na prišu izlazit iz marine, vidi se da su im dosadili i kiša i kaštila, raširili jidra, uvatili more. od spinuta stiže druga skupina. nije ni njima tempo loš.
bacin se u more, nigdi se niko ne kupa osin mene, a danas je 23.05. more je moje, fantažija, fenomenalo. plivan, a svit s brodova ča žure prema punti čiova gleda u čudu. mislin se i ja je li sanjan ili je ovo stvarno java, a? ma ke, kakav san, stvarnost, e, a šta će drugo bit...
i bila bi i još tot ostala (ne bi mi smetalo sunce, već san sasvin solidno pocrnila) da me pozapodne ne toka radit. nima veze, ja volin radit, to mi opče ni mrsko. na armerun u uredu san upravo zalipila gornju misao, ne volin linčine, u radu je spas, ko radi taj i vridi.
vengo, kad san već kod rada i nerada gren van reč i da ovih dana slavin jerbo san se pozdravila s jednon peršonon, peršonon ča san je odma na prvi balun doživila linon, ali san falila i mislila da moren tot nešto prominit. je, ši, kako da ne, e... linčina more probat floćavat, ali linčina će i dalje uvik bit u duši linčina i oni ča ga /je natira da štagod radi mu je najgori dušmanin. mrzi ga i želi mu da ga đava odnese. ujutro mu se teško i dignit iz postelje, a kamoli šta radit, e.... tokalo me tako duperat čeličnu volju i forcu ka veli jože da tu peršonu pokrenen. jema vozačku, a neće da vozi. jema noge, a neće da hoda. jema i znanja, ali rad joj je smrtni neprijatelj. bilo bi bolje da san odma slušala špurijus, kad on kaže neko pari lin i da to neće bit dobro, viruj špurijusu, znan. no dobro, šta je tu je, naučila san i višje neću falit - kad probaš minjat linčinu, linčina te samo zamrzi, a ti budeš na kraju frustriran. zato takve triba ostavit neka se ukise u svojoj linosti, neka guštaju u njoj, neka im sve sritno bude, ali samo daleko od mene, e... rišila san se jedne takve peršone i sritna san, misecima me nervirala, neće višje, e... ekola, gren ča, rad me zove i guštan ča je tako. jemate pozdrav!
Nema komentara:
Objavi komentar