split, maškare 2011.

e... o pustih afera višje nisan znala koja ću bit. kako san o' najjajče struje na svitu nekako mi je bilo logično da buden afera hep. visoki napon naši dragi susidi janezi zovu visoka napetost i kako je napetost u lipoj našoj sve samo ne niska, ja san otišla u kV visine. frizura mi se razbarušila, čunku san ocrtala, odlično ajmo ča vanka vidit koga ćemo trefit.

barba gadafi. pukovnik. o barba gadafi jeste to vi, a? moran vas odma slikat jerbo znan da će našemu ex pricidniku, stipi mesiću, bit puno drago da ste povirili u split i prošetali po marmontovoj. on van je uvik bija veliki prijatelj, pravi kumpanjo, e...

labuđe jezero. asti sto koje nogice. ajmo, namisti se, zabalaj o' sriće. jeste li dobili lipega intendanta oli niste, zeta za peticu, a?

narafski, ja san zaplakala o' tuge ka san sinjala krnju, zubića. moš mislit, kriv za sve, gnjil, ajmo ča ga užgat i to je to. moglo je i bolje, ali kerum očito nije dopustija. ružni, debeli, diktator. i genije, e...

aha, ko je jamio jamijo je, a ko nije ima dovoljno sriće malo ga je pitalo u remetinac zaradi čega je jamija, a onda je narafski dobija, dobija... šta, a? a oprosnicu, šta će drugo dobit, e...

crveno, kolura poticajna, borbena...

evo i malo sriće, e... neće 6, eto 5, ali srića je srića, oli je sad bitno 5 oli 6, e.... 5 oli 6 čega, a? iljada kuna? e a najbolje to. ionako nije dobro puno učit, jemat petice. ovo je naime zemlja znanja, a u takvoj zemlji je bit obrazovan posebna sramota. neka sriće, neka. dosta nan je bilo nesriće.

slušaj ti afero hep, aj biži ča. i jesan, utekla san doma, skinila sve sa čunke, e, a da kako drugovačije, nisan ja iz ote lupeške firme, moja radi pošteno. i pošteno zapošljava, e... brez da pita išta don vinka, e... utekla san i da me na čapa narodna milicija jerbo ja ne bi di i ivo. njanci blizu. neka mu ide don vinko.

i neka jaca ide di je on. i to brzo. ne znan šta više čeka, a...

crveno. crveno na semaforu...

zeleno...
ajmo jaco, sve ti sritno bilo, samo pođi di i ivo...

da se nasmijemo...

da o mutnim radnjama i pranju pinezi višje ne slušamo...

da ne budemo tovari ča samo brime nose...

da nam život dade i čagod veselo, a ne samo tužnu moretu...

da jemamo barenko za coca-colu... da ne budu šuplji žepi i portafoji...

da dočekamo sritne uskrse sa velikin zecovima, a ne da gledamo koji je najjeftiniji po butigama...

da pemzije budu za čovika...

i da se zna di se smi a di se ne smi fumavat. i da oni ča su izgorili u pepel pođu višje ča. di? u bespuća povijesne zbiljnosti.

ekola, gren ča, bile su to još jedne maškare, split, 2011.

sve slike pa i one na kojima san ja by ja (oli ove godine san učinila autoportrete)